Nov 12, 2023 04:59 PM
40 ਓਵਰਾਂ ਤੋਂ ਬਾਅਦ ਟੀਮ ਇੰਡੀਆ ਦਾ ਸਕੋਰ ਤਿੰਨ ਵਿਕਟਾਂ ‘ਤੇ 284 ਦੌੜਾਂ ਹੈ। ਸ਼੍ਰੇਅਸ ਅਈਅਰ 73 ਅਤੇ ਕੇਐਲ ਰਾਹੁਲ 37 ਦੌੜਾਂ ਬਣਾ ਕੇ ਖੇਡ ਰਹੇ ਹਨ। ਦੋਵਾਂ ਵਿਚਾਲੇ ਚੌਥੇ ਵਿਕਟ ਲਈ 68 ਗੇਂਦਾਂ ‘ਚ 84 ਦੌੜਾਂ ਦੀ ਸਾਂਝੇਦਾਰੀ ਹੋਈ।
Nov 12, 2023 04:39 PM
ਸ਼੍ਰੇਅਸ ਅਈਅਰ ਦਾ ਅਰਧ ਸੈਂਕੜਾ
ਸ਼ੁਭਮਨ ਗਿੱਲ, ਰੋਹਿਤ ਸ਼ਰਮਾ ਅਤੇ ਵਿਰਾਟ ਕੋਹਲੀ ਤੋਂ ਬਾਅਦ ਸ਼੍ਰੇਅਸ ਅਈਅਰ ਨੇ ਵੀ ਅਰਧ ਸੈਂਕੜਾ ਜੜਿਆ ਹੈ। ਅਈਅਰ 6 ਚੌਕਿਆਂ ਦੀ ਮਦਦ ਨਾਲ 56 ਦੌੜਾਂ ਬਣਾ ਕੇ ਖੇਡ ਰਿਹਾ ਹੈ। ਉਸ ਦੇ ਨਾਲ ਕੇਐੱਲ ਰਾਹੁਲ 16 ਗੇਂਦਾਂ ‘ਤੇ 16 ਦੌੜਾਂ ਬਣਾ ਕੇ ਖੇਡ ਰਹੇ ਹਨ। 35 ਓਵਰਾਂ ਤੋਂ ਬਾਅਦ ਭਾਰਤ ਦਾ ਸਕੋਰ 3 ਵਿਕਟਾਂ ‘ਤੇ 244 ਦੌੜਾਂ ਹੈ।
Nov 12, 2023 04:20 PM
ਵਿਰਾਟ ਕੋਹਲੀ ਅਰਧ ਸੈਂਕੜਾ ਬਣਾ ਕੇ ਹੋਏ ਆਊਟ
29ਵੇਂ ਓਵਰ ਦੀ ਚੌਥੀ ਗੇਂਦ ‘ਤੇ ਰੋਇਲਫ ਵਾਨ ਡੇਰ ਮੇਰਵੇ ਨੇ ਵਿਰਾਟ ਕੋਹਲੀ ਨੂੰ ਬੋਲਡ ਕਰਕੇ ਪੈਵੇਲੀਅਨ ਦਾ ਰਸਤਾ ਦਿਖਾਇਆ। ਕੋਹਲੀ 56 ਗੇਂਦਾਂ ‘ਚ 5 ਚੌਕਿਆਂ ਅਤੇ 1 ਛੱਕੇ ਦੀ ਮਦਦ ਨਾਲ 51 ਦੌੜਾਂ ਬਣਾ ਕੇ ਆਊਟ ਹੋ ਗਏ। ਹੁਣ ਕੇਐੱਲ ਕ੍ਰੀਜ਼ ‘ਤੇ ਆ ਗਿਆ ਹੈ।
Nov 12, 2023 03:52 PM
ਭਾਰਤ ਦਾ ਸਕੋਰ 173/2
24 ਓਵਰ ਪੂਰੇ ਹੋਣ ਤੋਂ ਬਾਅਦ ਭਾਰਤੀ ਟੀਮ ਨੇ 2 ਵਿਕਟਾਂ ‘ਤੇ 173 ਦੌੜਾਂ ਬਣਾ ਲਈਆਂ ਹਨ। ਵਿਰਾਟ ਕੋਹਲੀ ਆਪਣੇ ਅਰਧ ਸੈਂਕੜੇ ਦੇ ਨੇੜੇ 44 ਤੱਕ ਪਹੁੰਚ ਗਏ ਹਨ। ਜਦਕਿ ਸ਼੍ਰੇਅਸ ਅਈਅਰ 11 ਦੌੜਾਂ ਬਣਾ ਕੇ ਖੇਡ ਰਿਹਾ ਹੈ।
Nov 12, 2023 03:32 PM
ਰੋਹਿਤ ਸ਼ਰਮਾ ਆਊਟ
ਭਾਰਤ ਨੂੰ ਦੂਜਾ ਝਟਕਾ 129 ਦੇ ਸਕੋਰ ‘ਤੇ ਲੱਗਾ। ਰੋਹਿਤ ਸ਼ਰਮਾ 54 ਗੇਂਦਾਂ ਵਿੱਚ ਅੱਠ ਚੌਕਿਆਂ ਅਤੇ ਦੋ ਛੱਕਿਆਂ ਦੀ ਮਦਦ ਨਾਲ 61 ਦੌੜਾਂ ਬਣਾ ਕੇ ਆਊਟ ਹੋ ਗਿਆ। ਇਸ ਤੋਂ ਪਹਿਲਾਂ ਸ਼ੁਭਮਨ ਗਿੱਲ 51 ਦੌੜਾਂ ਬਣਾ ਕੇ ਆਊਟ ਹੋਏ। 18 ਓਵਰਾਂ ਤੋਂ ਬਾਅਦ ਭਾਰਤ ਦਾ ਸਕੋਰ ਦੋ ਵਿਕਟਾਂ ‘ਤੇ 130 ਦੌੜਾਂ ਹੈ। ਫਿਲਹਾਲ ਸ਼੍ਰੇਅਸ ਅਈਅਰ ਅਤੇ ਵਿਰਾਟ ਕੋਹਲੀ ਕ੍ਰੀਜ਼ ‘ਤੇ ਹਨ।
Nov 12, 2023 03:13 PM
ਰੋਹਿਤ ਸ਼ਰਮਾ ਨੇ ਅਰਧ ਸੈਂਕੜਾ ਲਗਾਇਆ
ਰੋਹਿਤ ਸ਼ਰਮਾ ਨੇ ਚੌਕਾ ਲਗਾ ਕੇ ਆਪਣਾ ਅਰਧ ਸੈਂਕੜਾ ਪੂਰਾ ਕੀਤਾ। ਉਹ 44 ਗੇਂਦਾਂ ‘ਤੇ 52 ਦੌੜਾਂ ਬਣਾ ਕੇ ਖੇਡ ਰਿਹਾ ਹੈ। ਉਸ ਦੇ ਬੱਲੇ ਤੋਂ ਹੁਣ ਤੱਕ 8 ਚੌਕੇ ਅਤੇ 1 ਛੱਕਾ ਲੱਗਾ ਹੈ। 14 ਓਵਰਾਂ ਤੋਂ ਬਾਅਦ ਟੀਮ ਇੰਡੀਆ ਦਾ ਸਕੋਰ ਇਕ ਵਿਕਟ ‘ਤੇ 109 ਦੌੜਾਂ ਹੈ।
Nov 12, 2023 02:56 PM
ਭਾਰਤ ਦੀ ਪਹਿਲੀ ਵਿਕਟ ਡਿੱਗੀ, ਸ਼ੁਭਮਨ ਗਿੱਲ ਆਊਟ
ਟੀਮ ਇੰਡੀਆ ਨੇ 12ਵੇਂ ਓਵਰ ‘ਚ 100 ਦੇ ਸਕੋਰ ‘ਤੇ ਪਹਿਲਾ ਵਿਕਟ ਗੁਆ ਦਿੱਤਾ ਹੈ। ਸ਼ੁਭਮਨ ਗਿੱਲ 32 ਗੇਂਦਾਂ ਵਿੱਚ 51 ਦੌੜਾਂ ਬਣਾ ਕੇ ਆਊਟ ਹੋ ਗਏ। ਉਹ ਛੱਕਾ ਮਾਰਨ ਦੀ ਕੋਸ਼ਿਸ਼ ਵਿੱਚ ਪਾਲ ਵੈਨ ਮੀਕੇਰੇਨ ਦੀ ਗੇਂਦ ‘ਤੇ ਕੈਚ ਆਊਟ ਹੋ ਗਿਆ। ਹੁਣ ਵਿਰਾਟ ਕੋਹਲੀ ਕ੍ਰੀਜ਼ ‘ਤੇ ਆ ਗਏ ਹਨ।
Nov 12, 2023 02:33 PM
ਟੀਮ ਇੰਡੀਆ ਦਾ ਸਕੋਰ 64/0
ਸੱਤ ਓਵਰਾਂ ਤੋਂ ਬਾਅਦ ਭਾਰਤ ਦਾ ਸਕੋਰ ਬਿਨਾਂ ਕਿਸੇ ਨੁਕਸਾਨ ਦੇ 64 ਦੌੜਾਂ ਹੈ। ਰੋਹਿਤ ਸ਼ਰਮਾ 29 ਗੇਂਦਾਂ ਵਿੱਚ 6 ਚੌਕਿਆਂ ਅਤੇ ਇੱਕ ਛੱਕੇ ਦੀ ਮਦਦ ਨਾਲ 36 ਦੌੜਾਂ ਬਣਾ ਕੇ ਖੇਡ ਰਿਹਾ ਹੈ। ਜਦਕਿ ਸ਼ੁਭਮਨ ਗਿੱਲ 13 ਗੇਂਦਾਂ ‘ਤੇ 26 ਦੌੜਾਂ ਬਣਾ ਕੇ ਖੇਡ ਰਹੇ ਹਨ।
Nov 12, 2023 02:11 PM
India vs Netherlands LIVE: ਰੋਹਿਤ ਸ਼ਰਮਾ ਨੇ ਪਹਿਲੇ ਓਵਰ ਵਿੱਚ ਦੋ ਚੌਕੇ ਜੜੇ
ਨੀਦਰਲੈਂਡ ਲਈ ਸਪਿਨਰ ਆਰੀਅਨ ਦੱਤ ਨੇ ਪਹਿਲਾ ਓਵਰ ਲਿਆ , ਭਾਰਤੀ ਕਪਤਾਨ ਨੇ ਇਸ ਓਵਰ ਵਿੱਚ ਦੋ ਚੌਕੇ ਜੜੇ। ਇੱਕ ਓਵਰ ਤੋਂ ਬਾਅਦ ਟੀਮ ਇੰਡੀਆ ਦਾ ਸਕੋਰ ਬਿਨਾਂ ਕਿਸੇ ਨੁਕਸਾਨ ਦੇ 11 ਦੌੜਾਂ ਹੋ ਗਿਆ।
India vs Netherlands LIVE: ਦੀਵਾਲੀ ਦੇ ਮੌਕੇ ‘ਤੇ ਟੀਮ ਇੰਡੀਆ ਬੈਂਗਲੁਰੂ ‘ਚ ਨੀਦਰਲੈਂਡ ਦਾ ਸਾਹਮਣਾ ਕਰੇਗੀ। ਭਾਰਤ ਅਤੇ ਡੱਚ ਟੀਮ ਵਿਚਾਲੇ ਇਹ ਮੈਚ ਐਮ ਚਿੰਨਾਸਵਾਮੀ ਸਟੇਡੀਅਮ ‘ਚ ਖੇਡਿਆ ਜਾਵੇਗਾ। ਇਹ 2023 ਵਿਸ਼ਵ ਕੱਪ ਦੇ ਲੀਗ ਪੜਾਅ ਦਾ ਆਖਰੀ ਮੈਚ ਹੈ। ਟੀਮ ਇੰਡੀਆ ਦੇਸ਼ ਨੂੰ ਦੀਵਾਲੀ ਦਾ ਤੋਹਫਾ ਦੇਣ ਦੇ ਇਰਾਦੇ ਨਾਲ ਅੱਜ ਮੈਦਾਨ ‘ਚ ਉਤਰੇਗੀ।
ਟੀਮ ਇੰਡੀਆ ਲੀਗ ਪੜਾਅ ਦੇ ਆਪਣੇ ਸਾਰੇ 9 ਮੈਚ ਜਿੱਤ ਕੇ ਸੈਮੀਫਾਈਨਲ ਖੇਡਣਾ ਚਾਹੇਗੀ। ਹਾਲਾਂਕਿ ਇਹ ਮੈਚ ਉਸ ਲਈ ਸੈਮੀਫਾਈਨਲ ਲਈ ਅਭਿਆਸ ਵਰਗਾ ਹੋਵੇਗਾ। ਇਸ ਮੈਚ ‘ਚ ਕੁਝ ਸੀਨੀਅਰ ਖਿਡਾਰੀਆਂ ਨੂੰ ਆਰਾਮ ਵੀ ਦਿੱਤਾ ਜਾ ਸਕਦਾ ਹੈ। ਇਸ ਵਿੱਚ ਜਸਪ੍ਰੀਤ ਬੁਮਰਾਹ, ਵਿਰਾਟ ਕੋਹਲੀ ਅਤੇ ਕੁਲਦੀਪ ਯਾਦਵ ਵਰਗੇ ਖਿਡਾਰੀ ਸ਼ਾਮਲ ਹਨ।
ਤੁਹਾਨੂੰ ਦੱਸ ਦੇਈਏ ਕਿ ਇਸ ਵਿਸ਼ਵ ਕੱਪ 2023 ਵਿੱਚ ਪਾਕਿਸਤਾਨ ਤੋਂ ਇਲਾਵਾ ਟਾਪ-7 ਟੀਮਾਂ ਨੂੰ ਚੈਂਪੀਅਨਜ਼ ਟਰਾਫੀ 2025 ਵਿੱਚ ਖੇਡਣ ਦਾ ਮੌਕਾ ਮਿਲੇਗਾ। ਮੇਜ਼ਬਾਨੀ ਦੀ ਗੱਲ ਕਰੀਏ ਤਾਂ ਪਾਕਿਸਤਾਨ ਇਸ ਟੂਰਨਾਮੈਂਟ ਵਿੱਚ ਪਹਿਲਾਂ ਹੀ ਪ੍ਰਵੇਸ਼ ਕਰ ਚੁੱਕਾ ਹੈ। ਫਿਲਹਾਲ ਨੀਦਰਲੈਂਡ ਅੰਕ ਸੂਚੀ ‘ਚ ਆਖਰੀ ਸਥਾਨ ‘ਤੇ ਹੈ। ਅਜਿਹੇ ‘ਚ ਉਸ ਨੂੰ ਅੱਜ ਦਾ ਮੈਚ ਕਿਸੇ ਵੀ ਕੀਮਤ ‘ਤੇ ਜਿੱਤਣਾ ਹੋਵੇਗਾ। ਅੱਜ ਨੀਦਰਲੈਂਡ ਦੇ ਪਲੇਇੰਗ-11 ‘ਚ ਬਦਲਾਅ ਦੀ ਕੋਈ ਸੰਭਾਵਨਾ ਨਹੀਂ ਹੈ।
– ACTION PUNJAB NEWS
