Tuesday, April 16, 2024
More

    Latest Posts

    ਰੂਸੀ ਫੌਜ ਵੱਲੋਂ ਜੰਗ ‘ਚ ਜਬਰੀ ਉਤਾਰੇ ਭਾਰਤੀਆਂ ‘ਚ ਪੁਲਿਸ ਮੁਲਾਜ਼ਮ ਦਾ ਮੁੰਡਾ ਵੀ ਸ਼ਾਮਲ | ActionPunjab


    Indians stuck in Russia Ukraine War: ਦੋ ਸਾਲ ਬਾਅਦ ਵੀ ਰੂਸ ਅਤੇ ਯੂਕਰੇਨ ਵਿਚਾਲੇ ਜੰਗ ਜਾਰੀ ਹੈ। ਇਨ੍ਹਾਂ ਦੋਹਾਂ ਦੇਸ਼ਾਂ ਵਿਚਾਲੇ ਜੰਗ 24 ਫਰਵਰੀ 2022 ਨੂੰ ਸ਼ੁਰੂ ਹੋਈ ਸੀ। ਇਹ ਜੰਗ ਕਦੋਂ ਖਤਮ ਹੋਵੇਗੀ ਇਸ ਬਾਰੇ ਕਿਸੇ ਨੂੰ ਕੋਈ ਜਾਣਕਾਰੀ ਨਹੀਂ ਹੈ। ਨੌਕਰੀਆਂ ਦੇ ਨਾਂ ‘ਤੇ ਏਜੰਟਾਂ ਨੇ ਧੋਖੇ ਨਾਲ ਭਾਰਤੀਆਂ ਨੂੰ ਰੂਸੀ ਫੌਜ ‘ਚ ਭਰਤੀ ਕੀਤਾ ਹੈ ਅਤੇ ਇਸ ਦੌਰਾਨ ਇਕ ਭਾਰਤੀ ਦੀ ਮੌਤ ਵੀ ਹੋ ਚੁੱਕੀ ਹੈ। 

    ਇਹ ਖ਼ਬਰ ਵੀ ਪੜ੍ਹੋ: ਨੌਕਰੀ ਦੇ ਨਾਂ ‘ਤੇ ਲੋਕਾਂ ਨੂੰ ਰੂਸ ਲਿਜਾਣ ਅਤੇ ਫਿਰ ਰੂਸੀ ਫੌਜ ‘ਚ ਭਰਤੀ ਕਰਾਉਣ ਦਾ ਮਾਮਲਾ

    ਇਸ ਦੌਰਾਨ ਕਰਨਾਟਕ ਪੁਲਿਸ ਦੇ ਹੈੱਡ ਕਾਂਸਟੇਬਲ ਸਈਅਦ ਨਵਾਜ਼ ਅਲੀ ਜਦੋਂ ਤੋਂ ਰੂਸ-ਯੂਕਰੇਨ ਯੁੱਧ ਵਿੱਚ ਮਾਰੇ ਗਏ ਤੇਲੰਗਾਨਾ ਦੇ ਵਿਅਕਤੀ ਦੀ ਮੌਤ ਦੀ ਖ਼ਬਰ ਸੁਣਦੇ ਹਨ, ਉਦੋਂ ਤੋਂ ਹੀ ਆਪਣੇ ਬੇਟੇ ਨੂੰ ਲੈ ਕੇ ਚਿੰਤਤ ਹਨ। ਸਈਅਦ ਨਵਾਜ਼ ਅਲੀ ਦਾ 22 ਸਾਲਾ ਪੁੱਤਰ ਸਈਅਦ ਇਲਿਆਸ ਹੁਸੈਨੀ ਮੁਹੰਮਦ ਸਮੀਰ ਅਹਿਮਦ ਅਤੇ ਸੁਕੈਨ ਮੁਹੰਮਦ ਨਾਲ ਨੌਕਰੀ ਲਈ ਮਾਸਕੋ ਗਿਆ ਸੀ। ਹਾਲਾਂਕਿ ਜਦੋਂ ਉਹ ਸ਼ਹਿਰ ਪਹੁੰਚਿਆ ਤਾਂ ਉਸ ਨੂੰ ਯੂਕਰੇਨ ਦੇ ਵਿਰੁੱਧ ਜੰਗ ਦੇ ਮੈਦਾਨ ਵਿੱਚ ਉਤਾਰ ਦਿੱਤਾ ਗਿਆ। ਹੁਸੈਨੀ ਅਤੇ ਕਈ ਭਾਰਤੀਆਂ ਨੂੰ ਏਜੰਟਾਂ ਨੇ ਠੱਗਿਆ ਹੈ, ਇਨ੍ਹਾਂ ‘ਚ ਪੰਜਾਬ ਦੇ 7 ਅਤੇ ਹਰਿਆਣਾ ਦਾ 1 ਨੌਜਵਾਨ ਵੀ ਸ਼ਾਮਲ ਹੈ। ਉਨ੍ਹਾਂ ਵਿੱਚੋਂ ਕਈਆਂ ਨੇ ਭਾਰਤ ਸਰਕਾਰ ਨੂੰ ਅਪੀਲ ਕੀਤੀ ਹੈ ਕਿ ਉਹ ਸਾਨੂੰ ਇੱਥੋਂ ਬਚਾਵੇ। 

    ravneet family
    ਯੂਕਰੇਨ-ਰੂਸ ਜੰਗ ਵਿਚਕਾਰ ਫਸੇ ਪੰਜਾਬੀ ਨੌਜਵਾਨਾਂ ਦੀ ਇੱਕ ਤਸਵੀਰ 

    ਇਹ ਵੀ ਪੜ੍ਹੋ: ਰੂਸੀ ਫੌਜ ‘ਚ ਫਸੇ ਪੰਜਾਬੀ ਦੇ ਪਰਿਵਾਰ ਦੀ ਕੇਂਦਰ ਤੇ ਸੂਬਾ ਸਰਕਾਰ ਨੂੰ ਮਦਦ ਦੀ ਗੁਹਾਰ

    ਪੁਲਿਸ ਵਾਲੇ ਨੇ ਲਾਈ ਮਦਦ ਦੀ ਗੁਹਾਰ 

    ਕਰਨਾਟਕ ਦੇ ਪੁਲਿਸ ਮੁਲਾਜ਼ਮ ਨੇ ਪੁੱਛਿਆ ਕਿ, “ਮੈਨੂੰ ਕੀ ਕਰਨਾ ਚਾਹੀਦਾ ਹੈ ਅਤੇ ਮੈਨੂੰ ਕਿਸ ਨਾਲ ਸੰਪਰਕ ਕਰਨ ਦੀ ਲੋੜ ਹੈ? ਮੈਂ ਆਪਣੇ ਬੇਟੇ ਨੂੰ ਜ਼ਿੰਦਾ ਵਾਪਸ ਆਉਂਦਾ ਦੇਖਣਾ ਚਾਹੁੰਦਾ ਹਾਂ।” ਅਲੀ ਨੇ ਕਿਹਾ ਕਿ ਹੁਸੈਨੀ ਨੇ ਕੁਝ ਸਾਲਾਂ ਤੱਕ ਦੁਬਈ ਵਿੱਚ ਕੰਮ ਕੀਤਾ ਅਤੇ ਇੱਕ ਏਜੰਟ ਨੇ ਉਸ ਨਾਲ ਸੰਪਰਕ ਕੀਤਾ। ਉਸ ਏਜੰਟ ਨੇ ਉਸ ਨੂੰ ਮਾਸਕੋ ਵਿੱਚ ਨੌਕਰੀ ਦੇਣ ਦਾ ਵਾਅਦਾ ਕੀਤਾ ਸੀ। ਅਲੀ ਨੇ ਦੱਸਿਆ ਕਿ ਉਸ ਦੇ ਬੇਟੇ ਨੂੰ ਗਾਰਡ ਦੀ ਨੌਕਰੀ ਲਈ 70,000 ਰੁਪਏ ਦੇਣ ਲਈ ਕਿਹਾ ਗਿਆ ਸੀ। ਇਸ ਕਾਰਨ ਉਹ ਮਾਸਕੋ ਜਾਣ ਲਈ ਰਾਜ਼ੀ ਹੋ ਗਿਆ।

    ਸਈਅਦ ਨਵਾਜ਼ ਅਲੀ ਨੇ ਦੱਸਿਆ ਕਿ ਉਹ ਦਸੰਬਰ ਵਿੱਚ ਘਰ ਆਇਆ ਸੀ ਅਤੇ ਕੁਝ ਦਿਨ ਇੱਥੇ ਰਿਹਾ। ਹੁਸੈਨੀ ਨਾਲ ਗੱਲ ਕਰਦਿਆਂ ਪੰਜ ਦਿਨ ਹੋ ਗਏ ਹਨ। ਉਸ ਨਾਲ ਕਿਸੇ ਵੀ ਤਰ੍ਹਾਂ ਨਾਲ ਸੰਪਰਕ ਨਹੀਂ ਹੋ ਸਕਿਆ। ਸਾਨੂੰ ਇਹ ਵੀ ਨਹੀਂ ਪਤਾ ਕਿ ਉਹ ਜ਼ਿੰਦਾ ਹੈ ਜਾਂ ਨਹੀਂ। ਉਨ੍ਹਾਂ ਕਿਹਾ, “ਮੈਂ ਭਾਰਤ ਸਰਕਾਰ ਨੂੰ ਬੇਨਤੀ ਕਰਦਾ ਹਾਂ ਕਿ ਮੇਰੇ ਬੱਚੇ ਨੂੰ ਬਚਾਇਆ ਜਾਵੇ।” 

    ਅਲੀ ਨੇ ਡਿਪਟੀ ਕਮਿਸ਼ਨਰ ਨੂੰ ਪੱਤਰ ਲਿਖ ਕੇ ਕਈ ਨੇੜਲੇ ਆਗੂਆਂ ਨਾਲ ਵੀ ਸੰਪਰਕ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਕੋਲ ਆਪਣੇ ਪੁੱਤਰ ਨੂੰ ਵਾਪਸ ਲਿਆਉਣ ਦਾ ਕੋਈ ਵਿਕਲਪ ਨਹੀਂ ਬਚਿਆ ਹੈ। 

    ਹੈਦਰਾਬਾਦ ਦੇ ਵਿਅਕਤੀ ਦੀ ਮੌਤ

    ਹੈਦਰਾਬਾਦ ਦਾ ਮੁਹੰਮਦ ਅਫਸਾਨ ਜੋ ਪਿਛਲੇ ਸਾਲ ਨਵੰਬਰ ਵਿੱਚ ਮਾਸਕੋ ਗਿਆ ਸੀ, ਰੂਸ-ਯੂਕਰੇਨ ਜੰਗ ਵਿੱਚ ਲੜਦਿਆਂ ਆਪਣੀ ਜਾਨ ਗੁਆ ​​ਬੈਠਾ ਸੀ। ਮਾਸਕੋ ਸਥਿਤ ਭਾਰਤੀ ਦੂਤਾਵਾਸ ਨੇ ਇਸ ਦੀ ਪੁਸ਼ਟੀ ਕੀਤੀ ਹੈ। ਦੂਤਾਵਾਸ ਨੇ ਕਿਹਾ ਕਿ ਅਸੀਂ ਪਰਿਵਾਰ ਅਤੇ ਰੂਸੀ ਅਧਿਕਾਰੀਆਂ ਦੇ ਸੰਪਰਕ ਵਿੱਚ ਹਾਂ। ਜਲਦੀ ਹੀ ਉਨ੍ਹਾਂ ਦੀ ਮ੍ਰਿਤਕ ਦੇਹ ਨੂੰ ਭਾਰਤ ਭੇਜਣ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ। 

    ਇਹ ਖ਼ਬਰਾਂ ਵੀ ਪੜ੍ਹੋ: 


    actionpunjab
    Author: actionpunjab

    Latest Posts

    Don't Miss

    Stay in touch

    To be updated with all the latest news, offers and special announcements.