Paris 2024 Olympics Opening ceremony : ਪੈਰਿਸ ਓਲੰਪਿਕ 2024 ਦਾ ਉਦਘਾਟਨ ਸਮਾਰੋਹ 26 ਜੁਲਾਈ ਯਾਨੀ ਅੱਜ ਹੋਣਾ ਹੈ। ਇਸ ਈਵੈਂਟ ਵਿੱਚ 10500 ਐਥਲੀਟ ਹਿੱਸਾ ਲੈਣਗੇ। ਉਨ੍ਹਾਂ ਤੋਂ ਇਲਾਵਾ ਹਜ਼ਾਰਾਂ ਦਰਸ਼ਕ ਅਤੇ ਮਹਿਮਾਨ ਇਸ ਸਮਾਗਮ ਵਿੱਚ ਸ਼ਿਰਕਤ ਕਰਨਗੇ। ਇਸ ਦੌਰਾਨ 128 ਸਾਲਾਂ ਤੋਂ ਚੱਲੀ ਆ ਰਹੀ ਪਰੰਪਰਾ ਨੂੰ ਤੋੜਿਆ ਜਾਵੇਗਾ। ਉਦਘਾਟਨੀ ਸਮਾਰੋਹ ਦਾ ਪੂਰਾ ਪ੍ਰੋਗਰਾਮ ਆਈਫਲ ਟਾਵਰ ਅਤੇ ਸੀਨ ਨਦੀ ‘ਤੇ ਹੋਣਾ ਹੈ। ਓਲੰਪਿਕ ਖੇਡਾਂ ਦੀ ਸ਼ੁਰੂਆਤ 1896 ਵਿੱਚ ਹੋਈ ਸੀ, ਉਦੋਂ ਤੋਂ ਹੁਣ ਤੱਕ ਉਦਘਾਟਨੀ ਸਮਾਰੋਹ ਸਟੇਡੀਅਮ ਵਿੱਚ ਹੀ ਹੁੰਦਾ ਹੈ। ਇਹ ਪਹਿਲੀ ਵਾਰ ਹੈ ਕਿ ਸਟੇਡੀਅਮ ਦੇ ਬਾਹਰ ਇਸ ਸਮਾਗਮ ਦਾ ਆਯੋਜਨ ਕੀਤਾ ਜਾਵੇਗਾ। ਆਓ ਜਾਣਦੇ ਹਾਂ ਉਦਘਾਟਨ ਸਮਾਰੋਹ ਦੌਰਾਨ ਕੀ ਹੋਵੇਗਾ, ਕਿਹੜੀਆਂ ਖਾਸ ਹਸਤੀਆਂ ਪਰਫਾਰਮ ਕਰਨਗੀਆਂ ਅਤੇ ਤੁਸੀਂ ਇਸ ਨੂੰ ਕਿੱਥੇ ਦੇਖ ਸਕੋਗੇ।
ਪੈਰਿਸ ਓਲੰਪਿਕ ‘ਚ ਕੀ ਹੋਵੇਗਾ?
ਉਦਘਾਟਨੀ ਸਮਾਰੋਹ 26 ਜੁਲਾਈ ਨੂੰ ਪੈਰਿਸ ਦੇ ਸਮੇਂ ਅਨੁਸਾਰ ਸ਼ਾਮ 7.30 ਵਜੇ ਸ਼ੁਰੂ ਹੋਵੇਗਾ, ਯਾਨੀ ਤੁਸੀਂ ਇਸਨੂੰ ਭਾਰਤੀ ਸਮੇਂ ਅਨੁਸਾਰ ਰਾਤ 11 ਵਜੇ ਤੋਂ ਦੇਖ ਸਕਦੇ ਹੋ। ਇਸ ਦੌਰਾਨ ਪੈਰਿਸ ਦੇ ਇਤਿਹਾਸ, ਸੱਭਿਆਚਾਰ ਅਤੇ ਕਲਾ ਬਾਰੇ ਜਾਣਕਾਰੀ ਦਿੱਤੀ ਜਾਵੇਗੀ। ਇਨ੍ਹਾਂ ਸਾਰਿਆਂ ਦੀ ਜ਼ਿੰਮੇਵਾਰੀ ਫਰਾਂਸੀਸੀ ਅਦਾਕਾਰ ਤੇ ਨਿਰਦੇਸ਼ਕ ਥਾਮਸ ਜੌਲੀ ਸੰਭਾਲਣਗੇ। ਸਮਾਰੋਹ ਦੇ ਕੋਰੀਓਗ੍ਰਾਫਰ ਮੌਡ ਲੇ ਪਲੇਡੇਕ ਦੇ ਅਨੁਸਾਰ, ਹਰ ਪੁੱਲ ‘ਤੇ ਡਾਂਸਰ ਮੌਜੂਦ ਹੋਣਗੇ। ਇਸ ਦੇ ਲਈ ਕਾਸਟਿਊਮ ਡਿਜ਼ਾਈਨਰ ਡੈਫਨੇ ਬੁਰਕੀ ਨੇ ਆਪਣੀ ਟੀਮ ਨਾਲ ਮਿਲ ਕੇ 3000 ਡਾਂਸਰਾਂ ਅਤੇ ਕਲਾਕਾਰਾਂ ਲਈ ਪੋਸ਼ਾਕ ਤਿਆਰ ਕੀਤੇ ਹਨ।
ਸੀਨ ਨਦੀ ‘ਤੇ 6 ਕਿਲੋਮੀਟਰ ਲੰਬੀ ਪਰੇਡ ਦਾ ਆਯੋਜਨ ਵੀ ਕੀਤਾ ਜਾਵੇਗਾ। ਇਸ ਰਸਮ ਦੌਰਾਨ ਇਕ ਹੋਰ ਰਿਵਾਜ ਬਦਲਿਆ ਜਾਵੇਗਾ। ਹਰ ਵਾਰ ਓਲੰਪਿਕ ‘ਚ ਹਿੱਸਾ ਲੈਣ ਵਾਲੇ ਐਥਲੀਟ ਟਰੈਕ ‘ਤੇ ਮਾਰਚ ਕਰਦੇ ਸਨ। ਇਸ ਵਾਰ ਕਰੀਬ 10,500 ਐਥਲੀਟ 100 ਕਿਸ਼ਤੀਆਂ ‘ਚ ਸੀਨ ਨਦੀ ‘ਤੇ ਮਾਰਚ ਕਰਦੇ ਹੋਏ ਨਜ਼ਰ ਆਉਣਗੇ। ਅੰਤ ਵਿੱਚ ਓਲੰਪਿਕ ਮਸ਼ਾਲ ਜਗਾ ਕੇ ਖੇਡਾਂ ਦਾ ਰਸਮੀ ਉਦਘਾਟਨ ਕੀਤਾ ਜਾਵੇਗਾ।
ਰੂਟ ਕੀ ਹੋਵੇਗਾ?
6 ਕਿਲੋਮੀਟਰ ਲੰਬੀ ਪਰੇਡ ਔਸਟਰਲਿਟਜ਼ ਬ੍ਰਿਜ ਤੋਂ ਸ਼ੁਰੂ ਹੋਵੇਗੀ, ਮਸ਼ਹੂਰ ਕੈਥੇਡ੍ਰਲ ਚਰਚ ਨੋਟਰੇ ਡੇਮ ਅਤੇ ਲੂਵਰ ਮਿਊਜ਼ੀਅਮ ਤੋਂ ਲੰਘ ਕੇ ਜਾਰਡਿਨ ਡੇਸ ਪਲਾਂਟਸ ਪਹੁੰਚੇਗੀ। ਇਹ ਪਰੇਡ ਓਲੰਪਿਕ ਦੇ ਕੁਝ ਸਥਾਨਾਂ ਤੋਂ ਵੀ ਲੰਘੇਗੀ। ਓਲੰਪਿਕ ਤੈਰਾਕੀ
ਇਹ ਮਸ਼ਹੂਰ ਹਸਤੀਆਂ ਕਰ ਸਕਦੀਆਂ ਹਨ ਪ੍ਰਦਰਸ਼ਨ
ਇਸ ਉਦਘਾਟਨੀ ਸਮਾਰੋਹ ‘ਚ ਐਥਲੀਟਾਂ ਦੇ 200 ਤੋਂ ਵੱਧ ਡੈਲੀਗੇਸ਼ਨ ਸੀਨ ਨਦੀ ‘ਤੇ ਪ੍ਰਦਰਸ਼ਨ ਕਰਨਗੇ, ਜਦਕਿ ਹਜ਼ਾਰਾਂ ਦਰਸ਼ਕ ਇਸ ਨੂੰ ਸੀਨ ਨਦੀ ਦੇ ਦੋਵੇਂ ਪਾਸੇ ਤੋਂ ਦੇਖ ਸਕਣਗੇ। ਇਸ ਸ਼ਾਨਦਾਰ ਸਮਾਰੋਹ ‘ਚ ਮਸ਼ਹੂਰ ਗਾਇਕਾ ਲੇਡੀ ਗਾਗਾ ਅਤੇ ਸੇਲਿਨ ਡਿਓਨ ਵੀ ਪਰਫਾਰਮ ਕਰ ਸਕਦੀਆਂ ਹਨ। ਰਿਪੋਰਟ ਮੁਤਾਬਕ ਇਸ ਦੇ ਲਈ ਉਸ ਨੂੰ 2 ਮਿਲੀਅਨ ਡਾਲਰ ਦਿੱਤੇ ਗਏ ਹਨ। ਦੋਵਾਂ ਨੂੰ ਹਾਲ ਹੀ ‘ਚ ਪੈਰਿਸ ਸ਼ਹਿਰ ‘ਚ ਸਪਾਟ ਕੀਤਾ ਗਿਆ ਸੀ। ਹਾਲਾਂਕਿ ਅਜੇ ਤੱਕ ਇਸ ਦੀ ਪੁਸ਼ਟੀ ਨਹੀਂ ਹੋਈ ਹੈ। ਖਬਰਾਂ ਦੇ ਮੁਤਾਬਕ, ਆਰਐਂਡਬੀ ਸਟਾਰ ਅਯਾ ਨਾਕਾਮੁਰਾ ਨੂੰ ਵੀ ਇਵੈਂਟ ‘ਚ ਪਰਫਾਰਮ ਕਰਦੇ ਦੇਖਿਆ ਜਾ ਸਕਦਾ ਹੈ।
ਤੁਸੀਂ ਲਾਈਵ ਸਟ੍ਰੀਮਿੰਗ ਕਿੱਥੇ ਦੇਖ ਸਕਦੇ ਹੋ?
ਪੈਰਿਸ ਓਲੰਪਿਕ 2024 ਦੇ ਸਟ੍ਰੀਮਿੰਗ ਅਧਿਕਾਰ ਭਾਰਤ ਵਿੱਚ Viacom18 ਕੋਲ ਹਨ। ਇਸ ਲਈ ਜੇਕਰ ਤੁਸੀਂ ਇਸਨੂੰ ਟੀਵੀ ‘ਤੇ ਦੇਖਣਾ ਚਾਹੁੰਦੇ ਹੋ, ਤਾਂ ਤੁਸੀਂ ਇਸਨੂੰ Sports18, Jio Cinema ‘ਤੇ ਦੇਖ ਸਕਦੇ ਹੋ।
ਇਹ ਵੀ ਪੜ੍ਹੋ: MP Amritpal Singh ‘ਤੇ ਬਿਆਨ ਦੇਣ ਤੋਂ ਬਾਅਦ ਫਸੇ ਚਰਨਜੀਤ ਚੰਨੀ, ਕਾਂਗਰਸੀ ਲੀਡਰਸ਼ਿਪ ਨੇ ਕੀਤਾ ਕਿਨਾਰਾ, ਜਾਣੋ ਕਾਰਨ
– ACTION PUNJAB NEWS
