ਜਨਰਲ ਗੁਰਨਾਮ ਸਿੰਘ (ਜੀ.ਜੀ.ਐਸ.) ਪਬਲਿਕ ਸਕੂਲ, ਸੰਗਰੂਰ ਨੇ ਅੱਜ ਆਪਣੇ ਵਿਹੜੇ ਵਿੱਚ ਇੱਕ ਅੰਤਰ-ਸਕੂਲ ਸ਼ਬਦ ਗਾਇਣ ਮੁਕਾਬਲਾ ਕਰਵਾਇਆ। ਇਸ ਮੁਕਾਬਲੇ ਵਿੱਚ ਵੱਖ-ਵੱਖ ਸਕੂਲਾਂ ਦੀਆਂ ਸੱਤ ਟੀਮਾਂ ਨੇ ਭਾਗ ਲਿਆ।
ਜੇਤੂ ਟਰਾਫੀ ਗੁਰੂ ਨਾਨਕ ਇੰਟਰਨੈਸ਼ਨਲ ਪਬਲਿਕ ਸਕੂਲ ਲੁਧਿਆਣਾ ਨੂੰ ਦਿੱਤੀ ਗਈ। ਪਹਿਲੀ ਰਨਰਅਪ ਟਰਾਫੀ ਅਕਾਲ ਗੁਰਮਤਿ ਸੰਗੀਤ ਵਿਦਿਆਲਾ ਚੀਮਾ ਦੇ ਹਿੱਸੇ ਆਈ, ਜਦੋਂ ਕਿ ਦੂਜੀ ਰਨਰਅੱਪ ਟਰਾਫੀ ਸੰਤ ਅਤਰ ਸਿੰਘ ਅਕਾਲ ਅਕੈਡਮੀ ਮਸਤੂਆਣਾ ਸਾਹਿਬ ਨੇ ਹਾਸਲ ਕੀਤੀ।
ਸਾਰੀਆਂ ਜੇਤੂ ਅਤੇ ਭਾਗ ਲੈਣ ਵਾਲੀਆਂ ਟੀਮਾਂ ਨੂੰ ਜੀਜੀਐਸ ਪਬਲਿਕ ਸਕੂਲ ਦੀ ਪ੍ਰਿੰਸੀਪਲ ਪ੍ਰਭਜੋਤ ਕੌਰ ਗਰੇਵਾਲ ਵੱਲੋਂ ਸਨਮਾਨਿਤ ਕੀਤਾ ਗਿਆ। ਸਕੂਲ ਦੇ ਡਾਇਰੈਕਟਰ ਐਸ.ਵੀ.ਕੁਮਾਰ ਨੇ ਵਿਦਿਆਰਥੀਆਂ ਨੂੰ ਅਜਿਹੇ ਭਗਤੀ ਸਮਾਗਮਾਂ ਵਿੱਚ ਵੱਧ ਚੜ੍ਹ ਕੇ ਹਿੱਸਾ ਲੈਣ ਦੀ ਅਪੀਲ ਕੀਤੀ। ਸਮਾਗਮ ਦੀ ਕੋਆਰਡੀਨੇਟਰ ਕਿਰਨਪਾਲ ਕੌਰ ਨੇ ਧੰਨਵਾਦ ਕੀਤਾ।
