IPL 2024 Auction List: ਬੀਸੀਸੀਆਈ ਨੇ ਆਈਪੀਐਲ ਦੇ ਅਗਲੇ ਸੀਜ਼ਨ ਲਈ ਨਿਲਾਮੀ ਲਈ ਸ਼ਾਰਟਲਿਸਟ ਕੀਤੇ ਖਿਡਾਰੀਆਂ ਦੀ ਸੂਚੀ ਜਾਰੀ ਕਰ ਦਿੱਤੀ ਹੈ। ਦੁਨੀਆ ਭਰ ਦੇ 333 ਖਿਡਾਰੀਆਂ ਦੇ ਨਾਂ ਤੈਅ ਕੀਤੇ ਗਏ ਹਨ। ਇਸ ਵਾਰ ਨਿਲਾਮੀ ਵਿੱਚ ਵੱਧ ਤੋਂ ਵੱਧ 77 ਖਿਡਾਰੀ ਹੀ ਵਿਕ ਸਕਦੇ ਹਨ। ਇਨ੍ਹਾਂ ਵਿੱਚੋਂ 30 ਸਥਾਨ ਵਿਦੇਸ਼ੀ ਕ੍ਰਿਕਟਰਾਂ ਲਈ ਹਨ। ਇਸ ਵਾਰ ਨਿਲਾਮੀ ਦੁਬਈ ਵਿੱਚ ਕਰਵਾਈ ਜਾਵੇਗੀ। ਇਹ 19 ਦਸੰਬਰ ਨੂੰ ਭਾਰਤੀ ਸਮੇਂ ਅਨੁਸਾਰ ਦੁਪਹਿਰ 2:30 ਵਜੇ ਸ਼ੁਰੂ ਹੋਵੇਗਾ।
ਦੱਸ ਦਈਏ ਕਿ ਸ਼ਾਰਟਲਿਸਟ ਕੀਤੇ ਗਏ 333 ਖਿਡਾਰੀਆਂ ‘ਚੋਂ 214 ਭਾਰਤੀ ਅਤੇ 119 ਵਿਦੇਸ਼ੀ ਹਨ। ਦੋ ਖਿਡਾਰੀ ਸਹਿਯੋਗੀ ਦੇਸ਼ਾਂ ਦੇ ਹਨ। ਕੈਪਡ ਖਿਡਾਰੀਆਂ ਦੀ ਗਿਣਤੀ 116 ਹੈ। ਇਸ ਦੇ ਨਾਲ ਹੀ 215 ਅਨਕੈਪਡ ਕ੍ਰਿਕਟਰ ਹਨ। ਇਨ੍ਹਾਂ ਵਿੱਚੋਂ ਦੋ ਸਹਿਯੋਗੀ ਦੇਸ਼ਾਂ ਤੋਂ ਹਨ। 23 ਖਿਡਾਰੀਆਂ ਨੇ ਸਭ ਤੋਂ ਵੱਧ 2 ਕਰੋੜ ਰੁਪਏ ਦੀ ਬੇਸ ਪ੍ਰਾਈਸ ਵਿੱਚ ਆਪਣੇ ਨਾਂ ਰੱਖੇ ਹਨ। ਇਸ ਦੇ ਨਾਲ ਹੀ 1.5 ਕਰੋੜ ਰੁਪਏ ਦੇ ਬਰੈਕਟ ਵਿੱਚ 13 ਕ੍ਰਿਕਟਰ ਹਨ।
ਦੱਸ ਦਈਏ ਕਿ ਕੁੱਲ 23 ਖਿਡਾਰੀਆਂ ਦੇ ਨਾਮ 2 ਕਰੋੜ ਰੁਪਏ ਦੀ ਬੇਸ ਪ੍ਰਾਈਸ ਵਿੱਚ ਉਪਲਬਧ ਹਨ, ਜਦਕਿ 13 ਖਿਡਾਰੀਆਂ ਦੀ ਬੇਸ ਪ੍ਰਾਈਸ ਡੇਢ ਕਰੋੜ ਰੁਪਏ ਰੱਖੀ ਗਈ ਹੈ। ਇਨ੍ਹਾਂ ਤੋਂ ਇਲਾਵਾ 1 ਕਰੋੜ, 50 ਲੱਖ, 75 ਲੱਖ, 30 ਲੱਖ ਅਤੇ 20 ਲੱਖ ਰੁਪਏ ਦੀ ਬੇਸ ਪ੍ਰਾਈਸ ਵਾਲੇ ਖਿਡਾਰੀ ਵੀ ਇਸ ਸੂਚੀ ਵਿੱਚ ਸ਼ਾਮਲ ਹਨ।
ਮੀਡੀਆ ਰਿਪੋਰਟਾਂ ਦੀ ਮੰਨੀਏ ਤਾਂ ਭਾਰਤ ਦੇ ਹਰਸ਼ਲ ਪਟੇਲ, ਉਮੇਸ਼ ਯਾਦਵ ਅਤੇ ਸ਼ਾਰਦੁਲ ਠਾਕੁਰ ਨੇ 2 ਕਰੋੜ ਰੁਪਏ ਦਾ ਬੇਸ ਪ੍ਰਾਈਜ਼ ਚੁਣਿਆ ਹੈ। ਇਸ ਦੇ ਨਾਲ ਹੀ ਆਸਟਰੇਲੀਆਈ ਟੀਮ ਦੇ ਟ੍ਰੈਵਿਸ ਹੈੱਡ, ਪੈਟ ਕਮਿੰਸ, ਸਟੀਵ ਸਮਿਥ, ਮਿਸ਼ੇਲ ਸਟਾਰਕ, ਜੋਸ਼ ਇੰਗਲਿਸ਼, ਜੋਸ਼ ਹੇਜ਼ਲਵੁੱਡ ਅਤੇ ਸੀਨ ਐਬਟ ਦੀ ਬੇਸ ਪ੍ਰਾਈਸ ਵੀ 2 ਕਰੋੜ ਰੁਪਏ ਹੈ।
ਇੰਗਲੈਂਡ ਤੋਂ ਹੈਰੀ ਬਰੂਕ, ਬਰੂਕ ਕ੍ਰਿਸ ਵੋਕਸ, ਜੇਮਸ ਵਿੰਸ, ਜੈਮੀ ਓਵਰਟਨ, ਆਦਿਲ ਰਾਸ਼ਿਦ, ਡੇਵਿਡ ਵਿਲੀ ਅਤੇ ਬੇਨ ਡਕੇਟ ਨੇ ਵੀ ਇਸ ਸੂਚੀ ਵਿੱਚ ਆਪਣੇ ਨਾਂ ਸ਼ਾਮਲ ਕੀਤੇ ਹਨ। ਇਸ ਦੇ ਨਾਲ ਹੀ ਦੱਖਣੀ ਅਫਰੀਕਾ ਦੇ ਰਿਲੋ ਰੂਸੋ, ਰਸੀ ਵਾਨ ਡੇਰ ਡੁਸੇਨ, ਗੇਰਾਲਡ ਕੋਏਟਜ਼ੀ, ਨਿਊਜ਼ੀਲੈਂਡ ਦੇ ਲਾਕੀ ਫਰਗੂਅਸਨ, ਅਫਗਾਨਿਸਤਾਨ ਦੇ ਮੁਜੀਬ ਉਰ ਰਹਿਮਾਨ ਅਤੇ ਬੰਗਲਾਦੇਸ਼ ਦੇ ਮੁਸਤਫਿਜ਼ੁਰ ਰਹਿਮਾਨ ਤੋਂ ਇਲਾਵਾ 2 ਕਰੋੜ ਰੁਪਏ ਦੀ ਮੂਲ ਕੀਮਤ ਹੈ।
ਇਹ ਵੀ ਪੜ੍ਹੋ: ਸਾਰਾ ਨੂੰ ਛੱਡ ਕੇ ਸ਼ੁਭਮਨ ਗਿੱਲ ਇਸ ਨਵੀਂ ਅਦਾਕਾਰਾ ਨਾਲ ਨਜ਼ਰ ਆਏ, ਵਿਦੇਸ਼ ਵਿੱਚ ਮਸਤੀ ਕਰਦਿਆ ਵੇਖਿਆ ਗਿਆ
– ACTION PUNJAB NEWS