Paytm ਦੀਆਂ ਮੁਸ਼ਕਲਾਂ ਘੱਟ ਹੋਣ ਦੇ ਕੋਈ ਸੰਕੇਤ ਨਹੀਂ ਦਿਖ ਰਹੇ ਹਨ। RBI ਦੀ ਕਾਰਵਾਈ ਤੋਂ ਬਾਅਦ ਨੈਸ਼ਨਲ ਹਾਈਵੇਅ ਅਥਾਰਟੀ ਆਫ ਇੰਡੀਆ NHAI ਨੇ Paytm ਪੇਮੈਂਟ ਬੈਂਕ ‘ਤੇ ਵੱਡਾ ਫੈਸਲਾ ਲਿਆ ਹੈ। NHAI ਨੇ ਫਾਸਟੈਗ ਯੂਜ਼ਰਸ ਲਈ ਐਡਵਾਈਜ਼ਰੀ ਜਾਰੀ ਕੀਤੀ ਹੈ। ਜਿਸ ਵਿੱਚ ਲੋਕਾਂ ਨੂੰ NHAI ਵਿੱਚ ਸੂਚੀਬੱਧ ਬੈਂਕਾਂ ਤੋਂ ਫਾਸਟੈਗ ਖਰੀਦਣ ਦੀ ਅਪੀਲ ਕਰਦੇ ਹੋਏ ਇੱਕ ਅਲਰਟ ਜਾਰੀ ਕੀਤਾ ਗਿਆ ਹੈ। ਭਾਵ, ਜਿਨ੍ਹਾਂ ਉਪਭੋਗਤਾਵਾਂ ਕੋਲ ਪੇਟੀਐਮ ਫਾਸਟੈਗ ਸੀ, ਉਨ੍ਹਾਂ ਨੂੰ ਨਵਾਂ ਫਾਸਟੈਗ ਲੈਣਾ ਹੋਵੇਗਾ। ਤੁਹਾਨੂੰ ਦੱਸ ਦੇਈਏ ਕਿ ਹੁਣ ਪੇਟੀਐਮ ਪੇਮੈਂਟਸ ਬੈਂਕ ਫਾਸਟੈਗ ਜਾਰੀ ਕਰਨ ਲਈ ਸੂਚੀਬੱਧ ਬੈਂਕ ਨਹੀਂ ਹੈ। IHMCL ਨੇ 32 ਬੈਂਕਾਂ ਦੀ ਸੂਚੀ ਜਾਰੀ ਕੀਤੀ ਹੈ ਜਿੱਥੋਂ ਉਪਭੋਗਤਾ ਆਪਣੇ ਲਈ ਫਾਸਟੈਗ ਖਰੀਦ ਸਕਦੇ ਹਨ।
ਨੈਸ਼ਨਲ ਹਾਈਵੇਅ ਅਥਾਰਟੀ ਆਫ ਇੰਡੀਆ ਵੱਲੋਂ ਸੋਸ਼ਲ ਮੀਡੀਆ ਹੈਂਡਲ ਐਕਸ ‘ਤੇ ਇਕ ਪੋਸਟ ਕੀਤੀ ਗਈ ਹੈ, ਜਿਸ ‘ਚ ਕਿਹਾ ਗਿਆ ਹੈ ਕਿ ਫਾਸਟੈਗ ਨਾਲ ਬਿਨਾਂ ਕਿਸੇ ਪਰੇਸ਼ਾਨੀ ਦੇ ਸਫਰ ਕਰੋ। ਆਪਣਾ ਫਾਸਟੈਗ ਸਿਰਫ ਹੇਠਾਂ ਦਿੱਤੇ ਬੈਂਕਾਂ ਤੋਂ ਹੀ ਖਰੀਦੋ।
Travel hassle-free with FASTag! Buy your FASTag today from authorised banks. @NHAI_Official @MORTHIndia pic.twitter.com/Nh798YJ5Wz
— FASTagOfficial (@fastagofficial) February 14, 2024
ਇਹ ਫਾਸਟੈਗ 29 ਫਰਵਰੀ ਤੋਂ ਬੇਕਾਰ ਹੋ ਜਾਣਗੇ
ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ, ਪੇਟੀਐਮ ਪੇਮੈਂਟਸ ਬੈਂਕ ਫਾਸਟੈਗ ਜਾਰੀ ਕਰਨ ਵਾਲੇ ਅਧਿਕਾਰਤ ਬੈਂਕਾਂ ਦੀ ਸੂਚੀ ਤੋਂ ਬਾਹਰ ਹੋਣ ਕਾਰਨ, ਇਸਦੇ ਲਗਭਗ 2 ਕਰੋੜ ਉਪਭੋਗਤਾ ਪ੍ਰਭਾਵਿਤ ਹੋਣਗੇ। ਇਨ੍ਹਾਂ ਯੂਜ਼ਰਸ ਨੂੰ ਹੁਣ ਨਵਾਂ ਫਾਸਟੈਗ ਲੈਣਾ ਹੋਵੇਗਾ। ਪੇਟੀਐਮ ਦਾ ਫਾਸਟੈਗ 29 ਫਰਵਰੀ ਤੋਂ ਬਾਅਦ ਰੀਚਾਰਜ ਨਹੀਂ ਕੀਤਾ ਜਾ ਸਕੇਗਾ। ਅਜਿਹੇ ‘ਚ ਇਸ ਦੇ ਯੂਜ਼ਰਸ ਨੂੰ ਪਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
ਆਰਬੀਆਈ ਦੇ ਨਿਰਦੇਸ਼ਾਂ ਦੇ ਅਨੁਸਾਰ, 29 ਫਰਵਰੀ ਤੋਂ ਬਾਅਦ, ਸਿਰਫ ਪੇਟੀਐਮ ਫਾਸਟੈਗ ਦਾ ਰੀਚਾਰਜ ਕਰਨਾ ਸੰਭਵ ਨਹੀਂ ਹੋਵੇਗਾ। ਜੇਕਰ ਤੁਹਾਡੇ ਕੋਲ ਪਹਿਲਾਂ ਹੀ ਆਪਣੇ ਵਾਲਿਟ ਵਿੱਚ ਪੈਸੇ ਸ਼ਾਮਲ ਹਨ, ਤਾਂ ਤੁਸੀਂ 29 ਫਰਵਰੀ ਤੋਂ ਬਾਅਦ ਵੀ ਇਸਦੀ ਵਰਤੋਂ ਕਰ ਸਕਦੇ ਹੋ। ਤੁਹਾਡੇ ਕੋਲ ਆਪਣੇ ਪੇਟੀਐਮ ਫਾਸਟੈਗ ਨੂੰ ਅਯੋਗ ਕਰਨ ਅਤੇ ਉਸ ਦੀ ਥਾਂ ‘ਤੇ ਕਿਸੇ ਹੋਰ ਬੈਂਕ ਤੋਂ ਜਾਰੀ ਕੀਤਾ ਨਵਾਂ ਫਾਸਟੈਗ ਲੈਣ ਦਾ ਵਿਕਲਪ ਵੀ ਹੈ।