50 percent cheaper train tickets: ਰੇਲ ਗੱਡੀਆਂ (Rail Ticket) ‘ਚ ਸਫਰ ਕਰਨ ਵਾਲਿਆਂ ਲਈ ਵੱਡੀ ਖ਼ਬਰ ਹੈ। 2024 ਦੀਆਂ ਲੋਕ ਸਭਾ ਚੋਣਾਂ ਤੋਂ ਪਹਿਲਾਂ ਕੇਂਦਰ ਸਰਕਾਰ ਨੇ ਰੇਲਵੇ ਟਿਕਟਾਂ ‘ਚ ਭਾਰੀ ਛੋਟ ਦਿੱਤੀ ਹੈ। ਭਾਰਤੀ ਰੇਲਵੇ ਵਿਭਾਗ (Indian Railway Department) ਨੇ ਯਾਤਰੀ ਟਿਕਟਾਂ 50 ਫ਼ੀਸਦੀ ਤੱਕ ਸਸਤੀਆਂ ਕੀਤੀਆਂ ਹਨ। ਰੇਲਵੇ ਦੇ ਇਸ ਫ਼ੈਸਲੇ ਨਾਲ ਪੈਸੰਜਰ ਗੱਡੀਆਂ (Passanger Train Ticket) ਦੀਆਂ ਟਿਕਟਾਂ ਦੀ ਕੀਮਤ ਕੋਰੋਨਾ ਮਹਾਂਮਾਰੀ ਤੋਂ ਪਹਿਲਾਂ ਦੇ ਪੱਧਰ ਤੱਕ ਘੱਟ ਗਈਆਂ ਹਨ। ਦੱਸ ਦਈਏ ਕਿ ਪਹਿਲਾਂ ਪੈਸੰਜਰ ਗੱਡੀਆਂ ਦੇ ਯਾਤਰੀਆਂ ਨੂੰ ਐਕਸਪ੍ਰੈਸ ਰੇਲਾਂ ਦਾ ਕਿਰਾਇਆ ਦੇਣਾ ਪੈਂਦਾ ਸੀ।
ਭਾਰਤੀ ਰੇਲਵੇ ਨੇ 27 ਫਰਵਰੀ ਤੋਂ ‘ਯਾਤਰੀ ਟਰੇਨਾਂ’ ਲਈ ਦੂਜੇ ਦਰਜੇ ਦੇ ਆਮ ਕਿਰਾਏ ਨੂੰ ਬਹਾਲ ਕਰ ਦਿੱਤਾ ਹੈ। ਇਨ੍ਹਾਂ ਨੂੰ ਹੁਣ ‘ਐਕਸਪ੍ਰੈਸ ਸਪੈਸ਼ਲ’ ਜਾਂ ‘MEMU/DEMU ਐਕਸਪ੍ਰੈਸ’ ਟ੍ਰੇਨਾਂ ਕਿਹਾ ਜਾਂਦਾ ਹੈ। ਕੋਵਿਡ-19 ਮਹਾਂਮਾਰੀ ਦੌਰਾਨ ਯਾਤਰੀ ਰੇਲ ਗੱਡੀਆਂ ਨੂੰ ਅਸਥਾਈ ਤੌਰ ‘ਤੇ ਮੁਅੱਤਲ ਕਰ ਦਿੱਤਾ ਗਿਆ ਸੀ। ਜਦੋਂ ਇਨ੍ਹਾਂ ਨੂੰ ਮੁੜ ਚਾਲੂ ਕੀਤਾ ਗਿਆ ਤਾਂ ਟਿਕਟ ਦੀ ਘੱਟੋ-ਘੱਟ ਕੀਮਤ 10 ਰੁਪਏ ਤੋਂ ਵਧਾ ਕੇ 30 ਰੁਪਏ ਕਰ ਦਿੱਤੀ ਗਈ ਸੀ। ਇਹ ਐਕਸਪ੍ਰੈਸ ਟਰੇਨਾਂ ਦੇ ਕਿਰਾਏ ਦੇ ਅਨੁਸਾਰ ਸੀ। ਹਾਲਾਂਕਿ ਹਾਲ ਹੀ ਦੇ ਐਲਾਨ ਨਾਲ ਰੇਲਵੇ ਅਧਿਕਾਰੀਆਂ ਨੇ ਇਸ ਫੈਸਲੇ ਨੂੰ ਪਲਟ ਦਿੱਤਾ ਹੈ।
ਵਿਸ਼ੇਸ਼ ਤੌਰ ‘ਤੇ ਰੇਲਵੇ ਅਧਿਕਾਰੀਆਂ ਨੇ ‘ਜ਼ੀਰੋ’ ਤੋਂ ਸ਼ੁਰੂ ਹੋਣ ਵਾਲੀਆਂ ਸਾਰੀਆਂ ਮੇਨਲਾਈਨ ਇਲੈਕਟ੍ਰਿਕ ਮਲਟੀਪਲ ਯੂਨਿਟ (MEMU) ਟਰੇਨਾਂ ਅਤੇ ਟਰੇਨਾਂ ਦੇ ਆਮ ਵਰਗ ਦੇ ਕਿਰਾਏ ‘ਚ ਲਗਭਗ 50 ਫੀਸਦੀ ਦੀ ਕਟੌਤੀ ਕੀਤੀ ਹੈ। ਅਨਰਿਜ਼ਰਵਡ ਟਿਕਟਿੰਗ ਸਿਸਟਮ (UTS) ਐਪ ਵਿੱਚ ਕਿਰਾਏ ਦੇ ਢਾਂਚੇ ਨੂੰ ਵੀ ਇਸ ਅਨੁਸਾਰ ਬਦਲਿਆ ਗਿਆ ਹੈ।
ਇਹ ਕਿਰਾਇਆ ਕਟੌਤੀ ਉਨ੍ਹਾਂ ਸਾਰੀਆਂ ਰੇਲਗੱਡੀਆਂ ‘ਤੇ ਲਾਗੂ ਹੈ ਜਿਨ੍ਹਾਂ ਨੂੰ ਪਹਿਲਾਂ ਯਾਤਰੀ ਰੇਲਾਂ ਵਜੋਂ ਸ਼੍ਰੇਣੀਬੱਧ ਕੀਤਾ ਗਿਆ ਸੀ ਅਤੇ ਹੁਣ ਦੇਸ਼ ਭਰ ਵਿੱਚ ‘ਐਕਸਪ੍ਰੈਸ ਸਪੈਸ਼ਲ’ ਜਾਂ ਮੇਮੂ ਟ੍ਰੇਨਾਂ ਵਜੋਂ ਚੱਲ ਰਹੀਆਂ ਹਨ।
