Wayanad Landslides Update : ਵਾਇਨਾਡ ‘ਚ ਜ਼ਮੀਨ ਖਿਸਕਣ ਨੇ ਤਬਾਹੀ ਮਚਾਈ ਹੈ, ਹੁਣ ਤੱਕ 300 ਤੋਂ ਵੱਧ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ ਅਤੇ 100 ਤੋਂ ਵੱਧ ਲੋਕ ਲਾਪਤਾ ਦੱਸੇ ਜਾ ਰਹੇ ਹਨ। ਕੇਂਦਰੀ ਵਾਤਾਵਰਣ ਮੰਤਰੀ ਨੇ ਹੁਣ ਪੱਛਮੀ ਘਾਟ ਨੂੰ ਵਾਤਾਵਰਣਕ ਤੌਰ ‘ਤੇ ਸੰਵੇਦਨਸ਼ੀਲ ਖੇਤਰ (ਈਐਸਏ) ਐਲਾਨ ਕਰਨ ਲਈ ਇੱਕ ਡਰਾਫਟ ਨੋਟੀਫਿਕੇਸ਼ਨ ਜਾਰੀ ਕੀਤਾ ਹੈ, ਜਿਸ ਵਿੱਚ ਵਾਇਨਾਡ ਦੇ ਪਿੰਡ ਵੀ ਸ਼ਾਮਲ ਹਨ।
ਕੇਂਦਰੀ ਵਾਤਾਵਰਣ ਮੰਤਰੀ ਦੁਆਰਾ ਜਾਰੀ ਕੀਤੇ ਗਏ ਡਰਾਫਟ ਨੋਟੀਫਿਕੇਸ਼ਨ ਵਿੱਚ ਵਾਇਨਾਡ ਦੇ ਉਹ ਪਿੰਡ ਸ਼ਾਮਲ ਹੋਣਗੇ ਜਿੱਥੇ ਜ਼ਮੀਨ ਖਿਸਕਣ ਕਾਰਨ ਬਹੁਤ ਸਾਰੇ ਲੋਕ ਆਪਣੀ ਜਾਨ ਗੁਆ ਚੁੱਕੇ ਹਨ। ਇਹ ਜ਼ਮੀਨ ਖਿਸਕਣ ਦੀ ਘਟਨਾ 30 ਜੁਲਾਈ ਨੂੰ ਸਵੇਰ ਹੋਈ ਸੀ। ਸਰਕਾਰ ਦਾ ਇਹ ESA ਵਰਗੀਕਰਨ ਪ੍ਰਸਤਾਵ ਛੇ ਰਾਜਾਂ ਅਤੇ 59,940 ਵਰਗ ਕਿਲੋਮੀਟਰ ਜਾਂ ਪੱਛਮੀ ਘਾਟ ਦੇ ਲਗਭਗ 37% ਖੇਤਰ ਨੂੰ ਕਵਰ ਕਰਦਾ ਹੈ। ਸਰਕਾਰ ਵੱਲੋਂ ਲਿਆਂਦਾ ਗਿਆ ਮੌਜੂਦਾ ਖਰੜਾ ਜੁਲਾਈ 2022 ਵਿੱਚ ਜਾਰੀ ਕੀਤੇ ਡਰਾਫਟ ਵਰਗਾ ਹੈ।
ਇਹ ਖਰੜਾ ਮੁੜ ਜਾਰੀ ਕੀਤਾ ਗਿਆ ਹੈ
ਇਹ ਕਦਮ 13 ਸਾਲ ਬਾਅਦ ਉੱਘੇ ਵਾਤਾਵਰਣ ਵਿਗਿਆਨੀ ਮਾਧਵ ਗਾਡਗਿਲ ਦੀ ਅਗਵਾਈ ਵਾਲੇ ਇੱਕ ਪੈਨਲ ਨੇ 2011 ਵਿੱਚ ਪਹਿਲੀ ਵਾਰ ਅਜਿਹੀ ਸੀਮਾਬੰਦੀ ਦੀ ਸਿਫ਼ਾਰਸ਼ ਕੀਤੀ ਸੀ, ਜਿਸ ਨੇ ਉਦੋਂ 75% ਖੇਤਰ ਨੂੰ ਸੁਰੱਖਿਅਤ ਕਰਨ ਦੀ ਸਿਫਾਰਸ਼ ਕੀਤੀ ਸੀ ਜੋ ਹੁਣ ਘੱਟ ਕੇ 37% ਹੋ ਗਈ ਹੈ। ਕੇਂਦਰੀ ਵਾਤਾਵਰਣ ਮੰਤਰੀ ਨੇ ਕਿਹਾ ਕਿ ਇਹ ਖਰੜਾ ਮੁੜ ਜਾਰੀ ਕੀਤਾ ਗਿਆ ਕਿਉਂਕਿ ਪਿਛਲਾ ਖਰੜਾ ਖਤਮ ਹੋ ਗਿਆ ਸੀ। MoEFCC ਦੁਆਰਾ ਗਠਿਤ ਉੱਚ ਪੱਧਰੀ ਕਮੇਟੀ ਨੇ ਅਜੇ ਤੱਕ ਆਪਣੀ ਰਿਪੋਰਟ ਪੂਰੀ ਨਹੀਂ ਕੀਤੀ ਹੈ, ਉਨ੍ਹਾਂ ਨੇ ਕੇਰਲਾ ਸਮੇਤ ਰਾਜਾਂ ਤੋਂ ਪ੍ਰਾਪਤ ਜਵਾਬਾਂ ਦੇ ਆਧਾਰ ‘ਤੇ ਅਜੇ ਤੱਕ ਸਾਨੂੰ ਅੰਤਿਮ ਸੁਝਾਅ ਨਹੀਂ ਦਿੱਤੇ ਹਨ। ਮਾਹਿਰਾਂ ਨੇ ਦੱਸਿਆ ਕਿ ਇਹ ਨਵਾਂ ਖਰੜਾ ਵਾਇਨਾਡ ਜ਼ਿਲ੍ਹੇ ਵਿੱਚ ਹਾਲ ਹੀ ਵਿੱਚ ਹੋਏ ਜ਼ਮੀਨ ਖਿਸਕਣ ਕਾਰਨ ਤਿਆਰ ਕੀਤਾ ਗਿਆ ਹੈ।
ESA ਵਿੱਚ ਕੀ ਬਦਲਾਅ ਹੋਣਗੇ
ਇਸ ਡਰਾਫਟ ਵਿੱਚ, ਵਾਇਨਾਡ ਵਿੱਚ ਵਿਥੀਰੀ ਦੇ ਕੁਝ ਹਿੱਸੇ ਨੂੰ ਈਐਸਏ ਲਈ ਵੀ ਸ਼ਾਮਲ ਕੀਤਾ ਗਿਆ ਹੈ, ਵਿਥੀਰੀ ਇੱਕ ਪ੍ਰਸਿੱਧ ਸੈਲਾਨੀ ਸਥਾਨ ਹੈ। ਜੇਕਰ ਇਸ ਮਾਮਲੇ ਨੂੰ ਅੰਤਿਮ ਰੂਪ ਦਿੱਤਾ ਜਾਂਦਾ ਹੈ ਅਤੇ ਈਐਸਏ ਘੋਸ਼ਿਤ ਕੀਤਾ ਜਾਂਦਾ ਹੈ ਤਾਂ ਖੇਤਰਾਂ ਵਿੱਚ ਮਾਈਨਿੰਗ, ਖੱਡਾਂ, ਰੇਤ ਦੀ ਖੁਦਾਈ, ਥਰਮਲ ਪਾਵਰ ਪਲਾਂਟ ਅਤੇ ਪ੍ਰਦੂਸ਼ਣ ਫੈਲਾਉਣ ਵਾਲੀਆਂ ਸਨਅਤਾਂ ‘ਤੇ ਪੂਰੀ ਤਰ੍ਹਾਂ ਪਾਬੰਦੀ ਲਗਾ ਦਿੱਤੀ ਜਾਵੇਗੀ। ਇਸ ਤੋਂ ਇਲਾਵਾ ਨਿਰਧਾਰਤ ਸੀਮਾ ਤੋਂ ਵੱਧ ਨਵੇਂ ਨਿਰਮਾਣ ਪ੍ਰੋਜੈਕਟਾਂ ਅਤੇ ਟਾਊਨਸ਼ਿਪ ਵਿਕਾਸ ‘ਤੇ ਵੀ ਪਾਬੰਦੀ ਹੋਵੇਗੀ। ਇਸ ਡਰਾਫਟ ਨੂੰ ਛੇਵੀਂ ਵਾਰ ਨਵਿਆਇਆ ਗਿਆ ਹੈ, ਜਿਸ ਵਿੱਚ ਕਿਹਾ ਗਿਆ ਹੈ ਕਿ 20,000 ਵਰਗ ਮੀਟਰ ਅਤੇ ਇਸ ਤੋਂ ਵੱਧ ਦੇ ਸਾਰੇ ਨਵੇਂ ਬਿਲਡਿੰਗ ਵਿਸਤਾਰ ਪ੍ਰੋਜੈਕਟ ਅਤੇ 50 ਹੈਕਟੇਅਰ ਅਤੇ ਇਸ ਤੋਂ ਵੱਧ ਦੇ ਨਿਰਮਾਣ ਅਤੇ ਵਿਸਤਾਰ ਪ੍ਰੋਜੈਕਟ ਜਾਂ 150,000 ਵਰਗ ਮੀਟਰ ਅਤੇ ਇਸ ਤੋਂ ਵੱਧ ਦੇ ਸਾਰੇ ਬਿਲਟ-ਅੱਪ ਖੇਤਰ ਦੇ ਨਾਲ-ਨਾਲ ਨਵੀਂ ਅਤੇ ਫੈਲੀ ਟਾਊਨਸ਼ਿਪ ਅਤੇ ਏਰੀਆ ਡਿਵੈਲਪਮੈਂਟ ਪ੍ਰੋਜੈਕਟਾਂ ‘ਤੇ ਪਾਬੰਦੀ ਲਗਾਈ ਜਾਵੇਗੀ।
ਇਹ ਵੀ ਪੜ੍ਹੋ: Punjab Weather : ਤਾਪਮਾਨ ’ਚ ਵਾਧਾ, ਜਾਣੋ ਕਦੋਂ ਤੋਂ ਬਦਲੇਗਾ ਚੰਡੀਗੜ੍ਹ ਤੇ ਪੰਜਾਬ ਦਾ ਮੌਸਮ
– ACTION PUNJAB NEWS
