Ranbir Kapoor Animal: ਰਣਬੀਰ ਕਪੂਰ ਦੀ ਫਿਲਮ ‘Animal’ ਦਾ ਗੀਤ ‘ਅਰਜਨ ਵੈਲੀ ‘ ਕਾਫੀ ਮਸ਼ਹੂਰ ਹੋ ਰਿਹਾ ਹੈ। ਇਸ ਗੀਤ ‘ਚ ਰਣਬੀਰ ਦਾ ਦਮਦਾਰ ਐਕਸ਼ਨ ਅਵਤਾਰ ਲੋਕਾਂ ਨੂੰ ਹੈਰਾਨ ਕਰ ਰਿਹਾ ਹੈ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਇਸ ਗੀਤ ਨੂੰ ਕਿਸ ਨੇ ਗਾਇਆ ਹੈ ਅਤੇ ਇਸ ਗੀਤ ਦੇ ਬੋਲਾਂ ਦਾ ਕੀ ਮਤਲਬ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ‘ਅਰਜਨ ਵੈਲੀ ’ ਪੰਜਾਬੀ ਸੱਭਿਆਚਾਰ ਤੋਂ ਪੈਦਾ ਹੋਇਆ ਇੱਕ ਗੀਤ ਹੈ ਜੋ ਇੱਕ ਹਿੰਸਕ ਲੜਾਈ ਦੀ ਡਰਾਉਣੀ ਕਹਾਣੀ ਬਿਆਨ ਕਰਦਾ ਹੈ। ਇਸ ਗੀਤ ਦੇ ਬੋਲ ਲਿਖਣ ਦੇ ਨਾਲ-ਨਾਲ ਗਾਇਕ ਭੁਪਿੰਦਰ ਬੱਬਲ ਨੇ ਇਸ ਨੂੰ ਆਪਣੀ ਦਮਦਾਰ ਆਵਾਜ਼ ਦਿੱਤੀ ਹੈ।
ਪੰਜਾਬ ਦੇ ਕੁਰਾਲੀ ਵਿੱਚ ਪੈਦਾ ਹੋਏ ਭੁਪਿੰਦਰ ਬੱਬਲ ਇੱਕ ਪੰਜਾਬੀ ਲੋਕ ਗਾਇਕ ਹੈ। ਉਸ ਨੇ ਆਪਣੇ ਕਾਲਜ ਦੇ ਦਿਨਾਂ ਤੋਂ ਹੀ ਗਾਇਕੀ ਦੀ ਸ਼ੁਰੂਆਤ ਕੀਤੀ ਸੀ।
ਆਪਣੀ ਆਵਾਜ਼ ਨਾਲ ਲੋਕਾਂ ਨੂੰ ਦੀਵਾਨਾ ਬਣਾਉਣ ਤੋਂ ਬਾਅਦ ਉਸ ਨੂੰ ਆਪਣੀ ਗਾਇਕੀ ਦੇ ਦਮ ‘ਤੇ ਇੰਗਲੈਂਡ ‘ਚ ਵੀ ਪ੍ਰਦਰਸ਼ਨ ਕਰਨ ਦਾ ਮੌਕਾ ਮਿਲਿਆ।
ਤੁਹਾਨੂੰ ਦੱਸ ਦੇਈਏ ਕਿ ਭੁਪਿੰਦਰ ਬੱਬਲ ਨੇ ਆਪਣੇ ਗੀਤਾਂ ਵਿੱਚ ਪੰਜਾਬ ਦੇ ਸੱਭਿਆਚਾਰ ਅਤੇ ਪਰੰਪਰਾਵਾਂ ਦਾ ਜ਼ਿਕਰ ਕੀਤਾ ਹੈ। ਇਸ ਦੇ ਨਾਲ ਹੀ ‘ਅਰਜਨ ਵੈਲੀ ’ ਗੀਤ ਵਿੱਚ ਉਹ ਪੰਜਾਬ ਦੀ ਲੋਕ ਗਾਥਾ ਵੀ ਸੁਣਾ ਰਿਹਾ ਹੈ।
3 ਮਿੰਟ ਦੇ ਇਸ ਗੀਤ ਨੂੰ ਇੰਨੇ ਸ਼ਾਨਦਾਰ ਤਰੀਕੇ ਨਾਲ ਫਿਲਮਾਇਆ ਗਿਆ ਹੈ ਕਿ ਇਹ ਰਿਲੀਜ਼ ਹੋਣ ਤੋਂ ਬਾਅਦ ਤੋਂ ਹੀ ਸੋਸ਼ਲ ਮੀਡੀਆ ‘ਤੇ ਧੂਮ ਮਚਾ ਰਿਹਾ ਹੈ, ਹਰ ਕੋਈ ਇਸ ਦਮਦਾਰ ਗੀਤ ਦੀ ਤਾਰੀਫ ਕਰ ਰਿਹਾ ਹੈ।
ਫਿਲਮ ‘Animal’ ਦੀ ਗੱਲ ਕਰੀਏ ਤਾਂ ਰਣਬੀਰ ਕਪੂਰ ਅਤੇ ਰਸ਼ਮਿਕਾ ਮੰਡਾਨਾ ਦੀ ਸਟਾਰਰ ਇਹ ਫਿਲਮ 1 ਦਸੰਬਰ ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਵੇਗੀ। ਫਿਲਮ ‘ਚ ਅਨਿਲ ਕਪੂਰ, ਬੌਬੀ ਦਿਓਲ ਅਤੇ ਤ੍ਰਿਪਤੀ ਡਿਮਰੀ ਵੀ ਮੁੱਖ ਭੂਮਿਕਾਵਾਂ ‘ਚ ਨਜ਼ਰ ਆਉਣਗੇ।
ਕੌਣ ਸੀ ਅਰਜਨ ਵੈਲੀ ਅਤੇ ਕਿਉਂ ਹੈ ਉਸ ਦੀ ਗੰਡਾਸੀ ਦਾ ਜ਼ਿਕਰ?
ਦਰਅਸਲ ਇਹ ਗੀਤ ਅੰਗਰੇਜ਼ਾਂ ਦੇ ਸਮੇਂ ਦੌਰਾਨ ਲੁਧਿਆਣਾ ਵਿੱਚ ਹਰ ਸਾਲ ਲੱਗਣ ਵਾਲੇ ਰੌਸ਼ਨੀ ਮੇਲੇ ਦੀ ਲੜਾਈ ਬਾਰੇ ਹੈ ਜੋ ਕਿ ਅਰਜਨ ਵੈਲੀ ਦੀ ਸੀ। ਪੰਡੋਰੀ ਪਿੰਡ ਦੇ ਇੱਕ ਸਮੂਹ ਨਾਲ ਅਰਜਨ ਵੈਲੀ ਅਤੇ ਉਸਦੇ ਦੋ ਦੋਸਤਾਂ ਵਿਚਕਾਰ ਹੋਈ ਲੜਾਈ ਜੋਕਿ ਲੜਕੀ ਨੂੰ ਲੈ ਕੇ ਹੋਈ ਸੀ ਉਸ ਬਾਰੇ ਹੈ। ਲੋਕਗਾਥਾ ਮੁਤਾਬਿਕ ਪੰਡੋਰੀ ਟੋਲਾ ਵੱਡਾ ਸੀ ਪਰ ਵੈਲੀ ਕੋਲ ਗੰਡਾਸੀ ਦਾ ਹੁਨਰ ਸੀ, ਅਰਜਨ ਵੈਲੀ ਦੀ ਇਸ ਲੋਕਕਥਾ ਵਿੱਚ ਸਥਿਤੀ ਨੂੰ ਵਿਗਾੜਨ ਤੋਂ ਬਚਾਉਣ ਲਈ ਪੁਲਿਸ ਦੇ ਆਉਣ ਦਾ ਵੀ ਜ਼ਿਕਰ ਹੈ।
ਜੱਗਾ ਡਾਕੂ, ਜੱਟ ਜਿਓਣਾ ਮੌੜ ਅਤੇ ਅਰਜਨ ਵੈਲੀ ਬ੍ਰਿਟਿਸ਼ ਯੁੱਗ ਦੇ ਸਾਰੇ ਮਸ਼ਹੂਰ ਨਾਮ ਹਨ। ਜਿਨ੍ਹਾਂ ਨੂੰ ਦੇਸ਼ ਦੇ ਕਾਨੂੰਨ ਨੂੰ ਸੱਚ ਅਤੇ ਆਪਣੇ ਹੱਕ ਲਈ ਚੁਣੌਤੀ ਦੇਣ ਲਈ ਲੋਕ-ਕਥਾਵਾਂ ਵਿੱਚ ਯਾਦ ਕੀਤਾ ਜਾਂਦਾ ਹੈ।
ਕੈਨੇਡਾ ਦੇ ਟੋਰਾਂਟੋ ਵਿੱਚ ਰਹਿਣ ਵਾਲੇ ਜੋਗਿੰਦਰ ਪਾਲ ਸਿੰਘ ਵਿਰਕ ਦਾ ਕਹਿਣਾ ਹੈ ਕਿ ਅਰਜਨ ਵੈਲੀ ਉਸ ਦੇ ਪੜਦਾਦਾ ਸਨ। “ਅਰਜਨ ਸਿੰਘ ਦਾ ਜਨਮ 1876 ਦੇ ਆਸ-ਪਾਸ ਲੁਧਿਆਣਾ ਜ਼ਿਲ੍ਹੇ ਦੇ ਪਿੰਡ ਰੁੜਕਾ ਕਲਾਂ ਵਿੱਚ ਹੋਇਆ ਸੀ। ਆਪਣੀ ਜਵਾਨੀ ਵਿੱਚ ਛੇ ਫੁੱਟ ਦਾ ਅਰਜਨ ਆਪਣੀ ਤਾਕਤ ਲਈ ਜਾਣਿਆ ਜਾਂਦਾ ਸੀ ਅਤੇ ਕਦੇ ਵੀ ਕਿਸੇ ਵੀ ਬੇਇਨਸਾਫ਼ੀ ਨੂੰ ਸਵੀਕਾਰ ਨਹੀਂ ਕੀਤੀ।ਬੇਇਨਸਾਫ਼ੀ ਨੂੰ ਰੋਕਣ ਲਈ ਉਸਨੇ ਇੱਕ ਪੁਲਿਸ ਅਧਿਕਾਰੀ ਦੀ ਬਾਂਹ ਇਕ ਵਾਰ ਤੋੜ ਦਿੱਤੀ ਸੀ। ਉਹ ਕਦੇ ਵੀ ਕਮਜ਼ੋਰ ਲੋਕਾਂ ਨਾਲ ਸਰੀਰਕ ਲੜਾਈ-ਝਗੜਾ ਨਹੀਂ ਕਰਦਾ ਸੀ।
– ACTION PUNJAB NEWS