Mahi Video: ਕ੍ਰਿਕਟ ਦੇ ਮੈਦਾਨ ‘ਤੇ ਫੈਸਲਿਆਂ ਲਈ ਚਰਚਾ ‘ਚ ਰਹਿਣ ਵਾਲੇ ਮਹਿੰਦਰ ਸਿੰਘ ਧੋਨੀ (ms-dhoni) ਹਮੇਸ਼ਾ ਦਾ ਆਪਣਾ ਹੀ ਵੱਖਰਾ ਅੰਦਾਜ਼ ਹੈ। ਉਹ ਕਦੇ ਆਪਣੇ ਵਾਲਾਂ ਦੇ ਅੰਦਾਜ਼ ਨੂੰ ਲੈ ਕੇ ਚਰਚਾ ‘ਚ ਰਹਿੰਦੇ ਹਨ ਅਤੇ ਕਦੇ ਆਪਣੀ ਫਿਟਨੈਸ ਨੂੰ ਲੈ ਕੇ, ਪਰ ਇਸ ਵਾਰ ਉਹ ਕਿਸੇ ਪਾਰਟੀ ਜਾਂ ਸਮਾਗਮ ‘ਚ ਧੂੰਏ ਦੇ ਛੱਲੇ ਉਡਾਉਂਦੇ ਨਜ਼ਰ ਆ ਰਹੇ ਹਨ। ਧੋਨੀ (Dhoni Viral Video) ਦੀ ਇਹ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਅੱਗ ਵਾਂਗ ਫੈਲ ਰਹੀ ਹੈ।
ਫੈਨਜ਼ ਦੀਆਂ ਵੱਖੋ-ਵੱਖ ਪ੍ਰਤੀਕਿਰਿਆਵਾਂ
ਭਾਰਤੀ ਕ੍ਰਿਕਟ ਟੀਮ ਦੇ ਸਾਬਕਾ ਕਪਤਾਨ ਮਹਿੰਦਰ ਸਿੰਘ ਧੋਨੀ ਪਿਛਲੇ ਕੁਝ ਸਮੇਂ ਤੋਂ ਦੁਬਈ ‘ਚ ਛੁੱਟੀਆਂ ਦਾ ਆਨੰਦ ਮਾਣ ਰਹੇ ਹਨ। ਧੋਨੀ ਨਵੇਂ ਸਾਲ ਦੇ ਮੌਕੇ ‘ਤੇ ਦੁਬਈ ‘ਚ ਸਨ। ਧੋਨੀ ਦੇ ਇਸ ਵੀਡੀਓ ਨੂੰ ਦੇਖ ਕੇ ਪ੍ਰਸ਼ੰਸਕ ਵੀ ਵੱਖ-ਵੱਖ ਤਰ੍ਹਾਂ ਦੀਆਂ ਪ੍ਰਤੀਕਿਰਿਆਵਾਂ ਦੇ ਰਹੇ ਹਨ। ਕੁਝ ਉਸ ਨੂੰ ਚੰਗਾ-ਮਾੜਾ ਕਹਿ ਰਹੇ ਹਨ ਤਾਂ ਕੁਝ ਮਾਹੀ ਦਾ ਸਮਰਥਨ ਕਰ ਰਹੇ ਹਨ।
🤔 #MSDhoni @msdhoni #MSDhoni𓃵 #DavidWarner #PAKvsAUS https://t.co/IHCXuqjE0D
— ak_waiyed (@ak_waiyed) January 6, 2024
ਧੋਨੀ ਦੇ ਸਾਬਕਾ ਸਾਥੀ ਦੀ ਟਿੱਪਣੀ ਵੀ ਆਈ ਸਾਹਮਣੇ
ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਸਾਬਕਾ CSK ਟੀਮ ਦੇ ਸਾਥੀ ਜਾਰਜ ਬੇਲੀ ਦੀ ਇੱਕ ਪੁਰਾਣੀ ਟਿੱਪਣੀ ਮੁੜ ਸਾਹਮਣੇ ਆਈ ਹੈ। ਸਾਬਕਾ ਆਸਟ੍ਰੇਲੀਆਈ ਕਪਤਾਨ ਨੇ ਟਿੱਪਣੀ ਕੀਤੀ ਕਿ ਕਿਵੇਂ ਧੋਨੀ ਨੂੰ ਹੁੱਕਾ ਪੀਣਾ ਕਿਵੇਂ ਪਸੰਦ ਹੈ। ਬੇਲੀ ਨੇ ਖੁਲਾਸਾ ਕੀਤਾ, ‘ਉਹ ਸ਼ੀਸ਼ਾ ਜਾਂ ਹੁੱਕਾ ਪੀਣਾ ਪਸੰਦ ਕਰਦਾ ਹੈ,’ ਇਸ ਲਈ ਉਹ ਅਕਸਰ ਇਸਨੂੰ ਆਪਣੇ ਕਮਰੇ ਵਿੱਚ ਸਥਾਪਤ ਕਰਦਾ ਸੀ।
ਹੁੱਕਾ ਪੀਂਦੇ ਨਜ਼ਰ ਆਏ ਧੋਨੀ
ਧੋਨੀ ਦੀ ਵੀਡੀਓ ਜੋ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ, ਉਸ ਵਿੱਚ ਉਹ ਹੁੱਕਾ ਪੀਂਦਾ ਨਜ਼ਰ ਆ ਰਹੇ ਹਨ। ਉਸ ਦੇ ਮੂੰਹ ਵਿੱਚੋਂ ਧੂੰਏਂ ਦਾ ਬੱਦਲ ਨਿਕਲਦਾ ਦਿਖਾਈ ਦੇ ਰਿਹਾ ਹੈ। ਇਸ ਮੌਕੇ ਉੱਥੇ ਕਈ ਹੋਰ ਲੋਕ ਵੀ ਮੌਜੂਦ ਹਨ। ਇਸ ਮੌਕੇ ਮਾਹੀ ਨੇ ਫਾਰਮਲ ਕੋਟ ਅਤੇ ਪੈਂਟ ਪਹਿਨੀ ਹੋਈ ਹੈ। ਮਾਹੀ ਲੰਬੇ ਵਾਲਾਂ ਨਾਲ ਇੱਕ ਵੱਖਰੇ ਅਵਤਾਰ ਵਿੱਚ ਨਜ਼ਰ ਆ ਰਹੇ ਹਨ। ਸਾਬਕਾ ਵਿਕਟਕੀਪਰ ਮਾਹੀ ਦੀ ਇਹ ਵੀਡੀਓ ਦੇਖ ਕੇ ਲੋਕ ਵੀ ਹੈਰਾਨ ਹਨ। ਇਹ ਵੀਡੀਓ ਕਦੋਂ ਅਤੇ ਕਿੱਥੇ ਲਈ ਗਈ ਸੀ, ਇਸ ਬਾਰੇ ਪਤਾ ਨਹੀਂ ਲੱਗ ਸਕਿਆ ਹੈ।
